ekran платформа за слободоумни
Со изведбата на театарската претстава „Убавицата и Sверот“, денес во Народниот Театар-Војдан Чернодрински во Прилеп, со почеток во 12:00 часот, ќе биде отворен 5-от Театарски фестивал за деца „Силјан Штркот“.
„Убавицата и Sверот“ е класична бајка за трансформацијата што љубовта може да ја направи. Оваа приказна зборува за тоа како добродетелите и внатрешната убавина можат да го надминат надворешниот изглед. Приказна за тоа дека разбирањето може да го промени и најтешкиот карактер, па заедно со љубовта да го ослободат тоа што е заборавено или заробено.
Комбинирајќи вокална уметност, со театарска магија, Бел ќе ни покаже дека вистинската љубов доаѓа од срцето и дека секој има способност за промена и растење.
„Подолго време во нашиот град културата е насочена кон младите тинејџерите. Децата сите ги забораваат, ни се запоставени. Нашето чувство за немање културно издигнување на децата е јако. Со овој фестивал сакаме да ги пораснеме децата во сериозни театарски критичари кои ќе знаат да препознаат што е добро , а што не“, велат организаторите на фестивалот.
