Отворање на 12-то издание на Интернационалниот литературен фестивал „ПРО-ЗА Балкан“

Во периодот од 15 до 17 септември во Скопје ќе се одржи 12. издание на Интернационалниот литературен фестивал „ПРО-ЗА Балкан.“

Гости на фестивалот ќе бидат петнаесетина писатели, издавачи, уредници од регионот и пошироко.

Добитник на наградата „Прозарт“ за авторски придонес кон развојот на книжевноста на Балканот, за оваа година е српскиот писател Владимир Пиштало, на кој ќе му се придружат хрватскиот новинар и писател Борис Дежуловиќ, Рене Карабаш од Бугарија, Мајк Дауни од Велика Британија, Ненад Шапоња од Србија, Мајда Корен од Словенија и нашите автори Виолета Танчева-Златева и Ѕвездан Георгиевски.

Програма:

15 септември (недела)
* Свечено отворање – Даут-пашин амам – 20 часот.
* Претставување на писателите и нивното дело.
* Со Борис Дежуловиќ, Рене Карабаш и Ѕвездан Георгиевски ќе разговараат Александар Прокопиев и Ермис Лафазановски

16 септември (понеделник)
* Средба на деца со писателката Мајда Корен (Градска библиотека „Браќа Миладиновци“).
* Средба на членовите на „Скопје fellowship“ програмата со претставници на Македонската асоцијација на издавачи 13.30 часот (Бугарски културно-информативен центар).
* Тркалезна маса „Литературата како форма на отпор“ – Europe House – од 20 часот.
Ќе учествуваат гостите писатели. Модератор: Владимир Јанковски.

17 септември (вторник)
* Средба на деца со писателката Мајда Корен (училиште „Вера Циривири Трена“).
* Претставување на Конкурсот на министерство за култура за финансирање преводи на странски издавачи, пред членовите на „Скопје fellowship“ програмата – 12.30 часот.
* Книжевна средба со Катарина Луа ван Хоф и Лали Бернар – Француски институт во Скопје (17 часот)
* Затворање на фестивалот. – Даут Пашин амам – 20 часот.
* Со Владимир Пиштало, Мајк Дауни, Виолета Танчева – Златева и Ненад Шапоња ќе разговараат Александар Прокопиев и Ермис Лафазановски
* Говор на добитникот на наградата „Прозарт“, Владимир Пиштало.

18 септември (среда)
Офф програма,
* Прикажување на филмот „Караула“ во режија на Рајко Грлиќ, со присуство на продуцентот, Мајк Дауни.
Разговор меѓу Мајк Дауни и Александар Прокопиев.
Кинотека на Северна Македонија – од 20 часот.