ekran платформа за слободоумни
Во препознатлива елегантна и опуштена атмосфера Винодонија 2024 ќе се одржи на 13-ти и 14-ти Декември во главната сала на хотел Мериот каде што како и секогаш ќе можете да ја споделите вашата винска страст, но и знаење и искуство.
Работното време на салонот во двата дена ќе биде од 15:00 до 21:00 часот.
Винодонија повторно ќе биде место каде што нашите уметници-винари ќе ги донесат и покажат своите најдобри вина и трпеливо ќе ги очекуваат вашите коментари, критики и пофалби, но исто така место и прилика да се истражи и дегустира странската винска сцена која што во последната година значително порасна во Република Македонија и се збогати со нови вински брендови и стилови од Италија, Франција, Хрватска, Србија, Германија, Португалија и Шпанија.
Винодонија продолжува да расте во престижен и квалитетен настан на кој што виното го покажува својот сјај и уникатност и ни покажува зошто тоа отсекогаш било дел од македонскиот културен идентитет.
Картите за Скопски вински салон – Винодонија 2024 ќе бидат во ограничен број, па препорачуваме да си ги купите однапред онлајн по цена од 1,000.00 ден за секој ден посебно, а еден мал дел ќе може да се купат и на самиот влез пред почетокот на настанот, но по цена од 1,200.00 ден.
И овој пат, дојдете на осмата Винодонија и споделете ја Вашата винска страст со останатите вински љубители.
