ekran платформа за слободоумни
– Кои диети се најдобри за здравјето на срцето
– Најдобриот начин на исхрана, според кардиолозите, добил максимум 100 поени
Кардиолозите од Американската асоцијација за срце ги оцениле 10-те најпопуларни диети кои се најефикасни во спречувањето на кардиоваскуларни заболувања. Тие се оценуваат во зависност од тоа дали промовираат елиминирање на додадени шеќери, нездрави количини сол и преработена храна и дали ги задоволуваат дневните потреби за хранливи материи.
Тие го поделиле диетите на четири нивоа. На првото најдобро ниво се DASH, лакто-ово, медитеранската и песетаријанската исхрана.
DASH диета
DASH диетата постигнала одлични резултати во секој параметар и добила оценка од 100. Овој начин на исхрана значи дека целосно престануваме да јадеме масно месо како свинско, говедско и пилешки батаци. Се препорачува да се јаде риба или пилешки гради како извор на протеини. Млекото со ниска масленост е многу подобро од полномасното млеко.
DASH диета
Познато е дека во Македонија свинското месо е многу популарен вид месо и неопходен дел од менито, особено за време на празниците, но и воопшто во текот на целата година, во различни варијанти на подготовка. Кардиолозите веруваат дека свинското месо не е добро за срцето.
DASAH диетата е рангирана заедно со медитеранската, песетаријанската и лакто диетата, а сите четири се прогласени за диети здрави за срцето.
Песцетаријанската исхрана е оценета малку пониско бидејќи многу риби се подготвуваат со зачини што содржат голема количина сол. Таа добила 92 поени и второ место.
Оваа диета е вегетаријанска со додавање на риба и морски плодови. Главно се базира на исхрана од целовити растенија со додавање на протеини во форма на риба и морски плодови. Голем број песцетаријанци користат млечни производи и јајца.
Медитеранска исхрана
Медитеранската исхрана е богата со зеленчук, риба, односно лосос, кој некои го подготвуваат со големи количини сол, па затоа изгубила неколку поени. Овој начин на исхрана вклучува и интегрални житарки, овошје, јаткасти плодови, маслиново масло и добила оценка од 89. Се наоѓа на третото место.
Лакто-ово-вегетаријанската исхрана е на четвртото место и подразбира вклучување на јајца, млеко, сирење, путер, јогурт, павлака, сладолед и други млечни производи во исхраната, а исклучувајќи го целото месо како што се говедско, риба, пилешко и свинско месо.
На второ ниво се вегетаријанската исхрана и исхраната со малку маснотии.
Иако често се смета за најздрава диета, веганизмот завршил на петтото место со резултат од 78.
Многу вегански диети можат да предизвикаат поголем товар врз паричникот отколку обичните диети со месо и бараат или подготовка на храна дома или одење во вегански ресторани, што може да влијае на леснотијата на придржување кон нив.
Научниците велат дека многу вегани страдаат од недостаток на витамин Б12, што може да доведе до опаѓање на косата, проблеми со видот и оштетување на сијатемскиот нерв, пишува Дејли Меил.
На шесто место е диета со намалена количина на масти, по што следува диета со многу намалена количина на масти и диета со намален внес на јаглехидрати.
Кето диета
На дното од листата се кето и палео диетите. Кето диетата вклучува елиминирање на речиси сите јаглехидрати и нивна замена со храна богата со масти и протеини.
Целта е да се достигне кетоза, состојба во која се претпоставува дека лицето почнува да ги користи мастите како примарен извор на енергија, наместо јаглехидратите. Ова значи избегнување на многу скробни зеленчуци, лебови и интегрални житарки во корист на јадење храна што првенствено е месо и млечни производи. Таа добила негативен резултат во речиси секоја категорија и достигна резултат од 31 од максимални 100.
Палео диетата ги отфрла намирниците што не им биле достапни на нашите најрани предци и главно вклучува консумирање месо, овошје и зеленчук. Идејата зад оваа диета е дека човечкото тело не еволуирало за да јаде модерна храна, туку е подобро луѓето да јадат на ист начин како што јаделе нивните далечни предци. Треба да се избегнува храна како што се млеко и млечни производи, житарки, грав, глутен и рафиниран шеќер.
Високо преработената храна, што е премногу честа појава во модерната исхрана, исто така се отфрла. Добива неколку дополнителни поени бидејќи вклучува интегрални житарки и не бара премногу сол, но губи многу поени бидејќи не е лесно да се држи до оваа диета, која заработила оценка од 53 од 100.
Фото: Архива
