ekran платформа за слободоумни
Актерот Алек Болдвин поднел тужба поради „прогон и кршење на граѓанските права“
Само еден месец откако беше ослободен од обвинението за ненамерно убиство на снимателката Халина Хачинс на снимањето на „Rust“, Алек Болдвин поднел тужба за „злонамерно прогонство и кршење на граѓанските права“ против сите вклучени во кривичната пријава против него.
View this post on Instagram
Во тужбата се наведува дека обвинителите задржале докази кои би го ослободиле Болдвин и дека „на секој чекор барале жртвено јагне за злонамерно да ја покренат осудата на актерот“.
Тој тврди дека специјалната обвинителка Кари Морисеј и окружната обвинителка Мери Кармак Алтвис биле „заслепени од нивната желба да го осудат Алек Болдвин поради погрешни причини“.
Во изјава за новинската агенција PA, Морисеј рекла дека „тимот од 2023 година дознал дека г-дин Болдвин има намера да покрене граѓанска тужба за одмазда – со нетрпение го очекуваме нашиот ден пред судот“.
View this post on Instagram
Болдвин ослободен од обвиненијата
Кривичниот случај против актерот Алек Болдвин за фаталното пукање на сетот на филмот „Rust“ во 2021 година заврши на крајот на минатата година.
Болдвин беше ослободен од обвинението за убиство од небрежност. Судијката Мери Марло Сомер го отфрли обвинението во јули, велејќи дека обвинителството и полицијата не успеале да го докажат потеклото на куршумот што ја уби Халина Хачинс. Хана Гутиерез, одговорната за оружјето на сетот, е осудена на 18 месеци затвор затоа што по грешка ставила вистински куршум што Болдвин го користел за време на снимањето.
Морисеј ја обжали одлуката на судот за отфрлање на обвиненијата за ненамерно убиство. Болдвин пукал затоа што мислел дека е пиштолот е реквизит, убивајќи ја снимателката и ранувајќи го режисерот Џоел Соуса.
Фото: Принтскрин/Instagram
