НУЦК „Антон Панов“ – Струмица: Концерт (5. април) на гудачки состав Пламенка Трајковска

Гудачкиот состав Пламенка Трајковска ќе реализира ексклузивен концерт со наслов „Нем филм во 4″. Концертот ќе го реализираат во среда 5 април во 19.30 часот во НУЦК „Антон Панов” Струмица.

На концертот премиерно ќе биде изведена првата композиција оригинално напишана за нем филм „Убиство на војводара од Гиз” од Камиј Сен Санс од 1908 година. На концертот ќе бидат изведени и композиции од Жорж Бизе, Чарли Чаплин, Скот Џоплин и Пламенка Трајковска. На концертот ќе има проекција од култните неми филмови „Убиство на војводата од Гиз”, „Светлата на градот”, Бурлеска на тема од Кармен”, „Жена од Париз”, и ,,Големиот диктатор”.


This image has an empty alt attribute; its file name is Plakat-nem-film-vo-4.jpeg

Во гудачкиот состав покрај Пламенка Трајковска ќе настапат и Љубица Бошкова на виола и Александра Јаневска на виолончело. Комплетната видео проекција ја подготви Пламенка Трајковска.


Интерпретацијата на музика наменета за нем филм е извонреден предизвик. Подразбира долг процес на истражување за ерата на немиот филм. Во тоа време на отсуство на технологија музичарите интерпретирале музика за време на немиот филм во живо, по свое лично видување или доживувања на одредените сцени, по одредени текстуални насоки за музичката интерпретација или по некакви кратки насочувачки партитури.

This image has an empty alt attribute; its file name is Programa-Nem-film-vo-4.jpeg


Пламенка Трајковска врз основа на долго истражување креираше нови аранжмани за гудачко трио и таа направи адаптација на првата оригинална испишана композиција за немиот филм „Убиство на војводара од Гиз” од Камиј Сен Санс од 1908 година. Посебен осврт Пламенка Трајковска прави на комплетното ново осмислување на музиката од немиот филм„ Бурлеска на тема од Кармен ” од 1915 година со креирање на аранжман за гудачки состав и музичка технологија а за кое таа во наредниот период Пламенка ќе издаде комплетен материјал од музички партитури, тонски материјал и снимка како свој придонес кон популаризацијата на музиката наменета за нем филм.

Досега Пламенка Трајковска реализираше уште неколку проекти во кои музиката од филмовите е во фокусот како концертите Музика и филм, Музика и цртан филм, Виолина и филм – овој концерт таа го реализираше онлајн за време на пандемијата со ковид 19.

Пламенка Трајковска има реализирано голем број на концерти во Македонија и на најзначајните културни манифестации Скопско лето, Бит фест, Штипско културно лето, Петровденски ракувања, Топол културен бран, Караманови средби, Кавадаречка културна есен, и многу други настапи на концертни сцени во Македонија и концерти во Хрватска, Србија, Бугарија, Грција Франција,Танзанијаи Турција.

©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

Видете следно

Денес роденден прославува нашиот познат фолк пејач Перо Христов

Перо Христов е роден на 17 јуни 1951 година во Струмица. Тој е популарен македонски …