НУ Народен театар – Битола учествува со два избрани плакати во вкупна селекција од 50 најдобри плакати во официјалниот каталог на осмото издание на Биеналето на театарски плакати во Вараждин, Хрватска. Истите ќе бидат изложени во изложбениот салон на Сермаж Палас ГМВ и Галерија „Злати ангел“ во Вараждин од 24 јануари до 16 февруари 2025 година.
Зад дизајнот на плакатите стои Сашо Илковски од Битолскиот театар чија креативност и посветеност кон визуелната уметност повторно се истакнуваат на меѓународно ниво.