ekran платформа за слободоумни
Јадењето само половина свеж грејпфрут пред оброк е поврзано со забележително губење на тежината
Во овој дел од годината носиме се помалку облека, а се ближат деновите кога ќе мораме да бидеме голи на плажа, од што се преплашени оние кои имаат вишок килограми. Слабеењето понекогаш изгледа како приказна без крај… Но, за среќа, постојат намирници кои се нискокалорични и кои можете да ги јадете колку што сакате без да се здебелите…
Лубеница
Ако изедете парче исечена лубеница, ќе внесете само 46 калории, а полна е со вода која ќе ве засити. Богата е со антиоксиданси, како што е витаминот Ц. Лубеницата е одлична опција после вежбање бидејќи лесно се вари поради малата содржина на влакна, а го хидрира и обезбедува електролитот калиум кој се губи со потење.
Јаболка
Големо јаболко има околу 148 калории и пет грама влакна, што ја забавува брзината со која храната го напушта желудникот, што ве одржува сити подолго време. Треба добро да се соџвакаат, за што е потребно време, па мозокот побавно сфаќа дека сте сити. Ова овошје содржи полифеноли, кои го спречуваат таложењето на маснотии на стомакот.
Пуканки
Кога ќе ве фати желба за грицки, пуканките се идеален избор. Имаат само 31 калорија по чаша, еден грам протеини и еден грам влакна. Избегнувајте ги оние што се купуваат со карамел, путер или сирење, како и оние направени со многу масло бидејќи се калорични.
Малини
Една чаша малини ќе додаде само 78 калории, што ги прави идеална закуска или додаток на грчки јогурт или овесна каша. Во таа порција добивате 10 гр влакна и два грама протеин, со што се обезбедуваат доволни количини на витамин Ц, манган и витамин К. Богатата количина на влакна ќе го задоволи гладот и ќе ја одржи здрава микрофлора во цревата.
Домати
Еден домат има 22 калории, еден грам протеини и речиси два грама влакна. Има малку или нема маснотии и е полн со калиум, витамин К, витамин Ц и фолна киселина, а 95 проценти е вода.
Овес
Една чаша овесна каша има околу 134 калории, пет грама протеини и пет грама влакна и е одличен извор на цинк, магнезиум, фосфор и тиамин. Варениот овес го поттикнува чувството на ситост, а со додавање на овошје се претвора во идеален оброк.
Тиква
Една чаша тиква обезбедува 200 проценти од дневните потреби за витамин А, а исто така е богата со соодветни количини на витамин К, бакар, витамин Е, железо, магнезиум, витамини од групата Б и витамин Ц.
Наут
Воведувањето на мешунките во исхраната помага да се избегне дебелината. Една шолја наут има 210 калории, 11 г протеини и 10 г влакна. Богат е со протеини, витамини од групата Б, железо, фосфор и незаситени масти. Изберете ја несолената конзервирана или ако е солена измијте ја со вода.
Грејпфрут
Ова овошје има 74 калории и три грама влакна. Само едно парче покрива половина од вашите дневни потреби за витамин Ц. Јадењето само половина свеж грејпфрут пред оброк е поврзано со забележително губење на тежината.
Брокула
Зеленчукот кој не содржи скроб треба да биде првиот избор кога сакате да го наполните стомакот со малку калории. Полн е со хранливи материи, влакна и вода. Една шолја содржи девет калории – 100 гр брокула содржи 22 калории, три грама протеини и три грама влакна.
Спанаќ
Половина килограм спанаќ има 78 калории, 10 г протеини и околу осум грама влакна. Јадењето храна богата со растителни влакна помага да согорите повеќе калории само преку варењето.
Фото: Архива
