На денешен ден почина Ристо Калчевски – најкарактеристичниот претставник на апстрактното сликарство

Ристо Калчевски бил македонски сликар и професор на Факултетот за ликовни уметности во Скопје, најкарактеристичен претставник на апстрактното сликарство

Ристо Калчевски е роден во 1933 година во Прилеп. Дипломирал на Академијата за ликовни уметности во Љубљана. Бил професор на Факултетот за ликовна уметност во Скопје.

Припадник е на апстрактното сликарство. Акцентот на неговите платна го става на густата текстура. Најголемиот број дела од раната фаза реферираат на некакви урбани фрагментирани пејзажи, перципирани од аеро-перспектива. Делата од подоцнежната фаза, кои се речиси монохромно обоени, индицираат на внатрешната флуктуација на енергијата на сликарската материја.

Во 1969 година ја добил наградата „11 октомври“.

Починал на 7 август, 1989 година во Скопје.