МЕТЕО НАЈАВА: За време на викендот, и тоа поради влијание на висински циклон повторно очекуваме врнежи, грмежи и невреме

Метео прогноза на Славчо Попоски:

За време на викендот кој е пред нас, и тоа под влијание на висински циклон од запад, во Македонија повторно Атмосферата позначително ќе се дестабилизира, и на повеќе места ќе има развој на нестабилна облачност, проследена со пороен дожд, грмежи и засилен ветер.


Повторно локално ќе се создадат услови за појава на невреме, проследено со обилен пороен дожд за кратко време кој може повторно да услови локални поројни поплавувања, силен ветер, силни и чести електрични празнења и со појава на град. Нестабилно за време на викендот ќе биде и во Скопскиот регион, повремено со пороен дожд, грмежи и засилен ветер.

Во делови од Скопската котлина повторно ќе има услови за појава на невреме.


Што се однесува до температурите, тие остануваат без промени и на повеќе места тие ќе се искачуваат до околу 25 степени, а во најтоплите централни и југоисточни предели и до близу 30 степени.

©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

Видете следно

Денес роденден прославува нашата истакната актерка Јоана Поповска

Јоана Поповска е родена во Битола на 18 јуни 1943 година. Таа е македонска театарска, …