Македонскиот филм „Црни и криви“ со африканска премиера во Кенија

Македонскиот краткометражен филм „Црни и криви“ во режија на Марко Џамбазоски својата африканска премиера ќе ја има на „Slum Film Festival“, кој се одржува од 27. до 31. август во Најроби, Кенија.
Филмот ја доживеа својата светската премиера на реномираниот филмски фестивал во Пула, а од филмската екипа најавуваат дека наскоро и македонската публика ќе има можност да го погледне ова филмско остварување.
„Црни и криви“ е македонска комедија во режија, сценарио и монтажа на Марко Џамбазоски. Директор на фотографија е Марко Димитриевски, а извршен продуцент Бошко Мангаровски. Актерската екипа ја сочинуваат Тони Денковски, Горан Ников, Чедомир Митевски, Мирјана Трпковска, Ердоан Максут, Томе Станковски, Ангела Стојановска, Андреа Голуб и Димче Спасовски.
Филмот е во продукција на Факултетот за драмски уметности, а поддржан од Агенција за филм на Република Македонија.

©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

Видете следно

СРАМОТА! Вечер на раскажување квир приказни

Вечерва, со почеток во 20:00 часот во Театар Комедија, ќе се одржи настанот СРАМОТА! Вечер …