Македонски навивач на Олимпико со гест за кој зборува цела Италија (Видео)

Фер ривалство и почит за противникот се начелата на секој спорт, а тоа на дело го покажа наш навивач на Олимпико, со гест за кој зборува цела Италија, пишува Златна копачка.

Нашите навивачи беа сместени на „северниот“ дел на Олимпико, во боксот за гостински навивачи кога игра Рома на овој стадион. Татко и дете Италијанци, се спуштаа по скалите, а еден од нашите навивачи го повика таткото да го донесе „малиот“. Италијанецот на почетокот беше збунет зошто нашиот навивач ги повикува, но по гестикулацијата, се приближија.

Македонскиот навивач му подари шал на малото детенце, а тоа возврати во ист манир, подарувајќи му шал Италија на македонскиот навивач.

Секоја чест дечки!