Концерт на Владо Јаневски во Македонска Филхармонија

Во четврток, 16 ноември 2023 година, во Македонската Филхармонија, со почеток од 21:00 часот ќе се одржи best of концертот на Владо Јаневски, насловен како„Златни Години“.

Реално, македонската музика нема голем број на легенди, а уште помалку, ѕвезда која истовремено е и легенда и константно актуелна со нов материјал. Владо Јаневски тој статус го има заслужено поради навистина огромниот број на вечни хитови и евергрини, но и редуцираниот број на концерти со својот многуброен бенд.

Богатиот музички каталог на Владо Јаневски никогаш не бил отсвирен во полн состав на бенд во интимно издание, па така, на наше задоволство, го убедивме дека е време за интимна средба со неговата публика оваа есен, на многу адекватен простор кога е во прашање неговата музика – Македонска Филхармонија.

Влезниците по цена од 1.500 денари може да се набават онлајн нa ticketx.mk и ширум продажната мрежа на Авалон низ Македонија.