Концерт на Андријана Јаневска & Jazz Quartet вечерва во рамките на Skopje Design Week

Skopje Design Week ви ги претставува Андријана Јаневска & Jazz Quartet во уникатен состав и со реинкарнирани познати македонски евергрин стихови во аранжман специјално подготвен за Skopje Design Week. Локација, поткровје на Public Room, вечерва, со почеток во 21:00 часот.

Андријана Јаневска е една од најактивните пејачки и музичарки која успешно опстојува на македонската музичка сцена повеќе од 25 години, градејќи ја својата кариера во рамки на поп, етно, џез и класичната музика. На овогодинешното издание на Skopje Design Week, Андријана ќе настапи со својот квартет во кој членуваат дел од најистакнатите инструменталисти во земјава. Тие ќе се претстават со репертоар составен од евергрин композиции.

Андријана Јаневска & Jazz Quartet е составен од:
Андријана Јаневска (вокал)
Филип Динев (гитара)
Кирил Туфекчиевски (контрабас)

Билетите може да се набават на следниот линк: https://drugastrana.mk/event/sdw-andrijana-janevska/