It`s movie time vector poster. Cinema background concept with popcorn, 3D glasses, slade in ray of light on purple background.

Кино за деца и млади во Битола од 13 до 15 септември

Три филмови наменети за детската и тинејџерската публика од 13 до 15 септември ќе се прикажуваат во киното „Манаки“ во Битола во рамките на настанот „Кино за деца и млади“. Станува збор за наслови од европска продукција кои опфаќаат различни теми кои отвораат нови видици на децата во области кои би го задоволиле нивното љубопитство како грижа за животните, проблемите на тинејџерите, другарството и слично.

Првата проекција е закажана за утре во 11 часот со германскиот филм за деца „Рафи“ во режија на Аренд Агте, со дискусија за филмот. Приказната во оваа детска авантура се одвива околу малиот хрчак по име Рафи, куќно милениче на 8-годишниот Семи и подарок од неговиот татко. Рафи ќе се разболи од срце, ќе го украдат, а неговата потрага набрзо ќе стане одисеја на Семи низ големиот град Хамбург.


На 14 септември ќе биде прикажана швајцарската драма „Фамилија“, во режија на Фред Баилиф, кој се фокусира на проблемите на тинејџерите во дом за згрижување деца во Женева во комбинација со дискусија на тема поврзана со филмот.

На 15 септември е закажана проекцијата на драмата „Семи, Џо и јас“, во режија на Карин Хеберлајн, во која едната од главните улоги ја толкува швајцарската актерка со македонско потекло Јана Секуловска.


Влезот е слободен за сите проекции.

Проекциите ги организира продукциската и дистрибутерска куќа „Узенгија“, чиј фокус е дистрибуција на филмови за деца и млади, а во соработка со ЈОУ КИЦ Битола и поддршка од Општина Битола.


It`s movie time vector poster. Cinema background concept with popcorn, 3D glasses, slade in ray of light on purple background.

©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

Видете следно

Сеќавање: две години без нашиот истакнат поет, преведувач и професор Драги Михајловски

Драги Михајловски е роден на 16 октомври 1951 година во Битола, каде го поминал и …