„ЈАС ВЕЧЕР, А ТАА УТРЕ“ – Брачен пар од Србија ниту смртта не го разделила: Богољуб и Марија починале со разлика од девет часа

Брачниот пар Богољуб (97) и Марија Едит (104) Јокшиќ од Србија починале во четвртокот на 13. октомври со разлика од девет часа, а интересно е што Богољуб предвидел се.
Двојката живеела во селото Доња Врбава, недалеку од Горњи Милановац, а српските медиуми пишуваат дека Богољуб починал прво, нешто по два часот наутро, а неговата сопруга околу 11. часот следното утро.
Ќерката на братот на Богољуб, Весна Гојковиќ, открила дека тој ја претчувствувал и својата и смртта на сопругата. Тој рекол дека прво ќе умре тој, а потоа и таа.
„Богољуб чувствуваше дека тој и Марија ќе умрат. ‘Јас ќе умрам вечерва, а таа утре’, така и беше. Кога умре ниту таа не се разбуди“, вели таа.
Двојката се запознала во Германија во 60-тите години на минатиот век. Гојковиќ открила дека Богољуб таму работел како наставник по српски јазик, а Марија била костимограф во театарот.
„Цело време беа заедно, немаа деца, но беа врзани еден за друг. Секаде одеа заедно“, додала Гојковиќ.
Двојката била погребана на 15. октомври на гробиштата во Горњи Милановац.

Фото: Приватна архива


©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

Видете следно

Промоција на „Книга за Петре (Сите лица на расказот)“ во МАНУ

Во чест на 90 години од раѓањето на Петре М. Андреевски, денес, во 12 часот, …