Изложбата на делата од Лесновска ликовна колонија 2023

Денес во Национална установа- Центар за култура “Бели мугри”- Кочани, со почеток од 12:30 часот ќе биде поставена изложбата на делата од Лесновска ликовна колонија 2023.

Далечната 1992 година започнува приказната наречена ,,Лесновска ликовна колонија“. Од тогаш па се до денес Ликовната колонија прерасна во голема културна манифестација, која денес е препознатлив белег на нашата општина.
Стотици уметници од многу краеви на светот беа дел од Лесновската ликовна колонија, зад себе оставајќи свои дела, кои се дел од богатата збирка на уметнички дела, кои Домот на културата ,,Злетовски рудар“ ги чува грижливо, со гордост изложувајќи ги во скоро сите Домови и Центри за култура.
Оваа година на колонијата учество зедоа 17 учесници, а колонијата се одржа од 28.06.2023 до 02.07.2023 година.
На изложбата ќе може да ги погледнете делата изработени од Дарко Заревски, Ѓоко Антониев, Христина Стојчевска, Горан Боев, Тони Чатлески, Васил Гаврилов, Бисер Лапев, Бисер Кирилов, Валентина Илијевска, Јован Иванов, Ѓорги Иванов, Филип Јовески, Драган Кузманоски, Силвана Миленкова, Бојан Тосевски, Мики Иванов и Данчо Ордев.
Одлична можност за сите љубители на уметноста во Кочани да ја погледнат оваа изложба и да уживаат во делата изработени од учесниците на Лесновската колонија.

©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

Видете следно

Денеска се празнува Светата великомаченичка Ирина

Светата великомаченичка Ирина Живееше во апостолските времиња на Балканот во некој град Магедон, каде што …