ekran платформа за слободоумни
„Битола виа Дебар“ е насловот на изложбата на стари фотографии на битолскиот фотограф Зафир Ошавков (Дебар, 1905 – Битола, 1996) која беше отворена вчера, 12 декември, во 19:00 часот во НУ Завод и музеј – Битола.
Автор на изложбата, која ќе биде достапна за посетители до 31 декември, е Роберт Јанкулоски, универзитетски професор и директор на Македонскиот центар за фотографија.
Во рамките на изложбата ќе бидат прикажани 30 фотографии снимени помеѓу 1930 и 1945 година, изработени од оригинални негативи (стаклени плочи), кои се од колекцијата на Македонскиот центар за фотографија.
