ekran платформа за слободоумни
Деветгодишно момче кое се заразило со коронавирус не го пренело вирусот на ниту едно лице со кое биле во контакт а имал контакт со повеќе од 170. лица, според студијата која истражувала дали децата можат да бидат носители на вирусот.
Момчето било меѓу луѓето кои биле заразени во кругот на претприемачот Стив Волш, кој се заразил за време на состанокот во Сингапур. Потоа со десетина други Британци заминал во Контаминис-Монтјо, Франција, по што заминал за Лондон.
Повеќето од гостите во францускиот ски-центар биле заразени, но истрагата на француските јавни здравствени власти открила дека деветгодишното дете кое го примило вирусот не ја проширило инфекцијата на никого, иако тој бил во контакт со најмалку 172. лица.
Момчето покажало респираторни симптоми, како и неговите родители, но инфекцијата не била потврдена.
Пренел настинка и грип, но не и корона
Студијата открила дека кај момчето е откриен коронавирус, но и грип и настинка.Своите браќа ги заразил со грип, но не и со коронавирусот, пишува „Гардијан“.
“Момчето, кое исто така имаше симптоми на други респираторни заболувања, одеше на три училишта по скијање, но не учествувал во преносот на вирусот. Се чини дека тоа сведочи за потенцијално различна динамика за ширење кај децата”, рекол францускиот епидемиолог Костас Данис.
Момчето имало само благи симптоми и кога било тестирано, откриени се само траги од вирусот, за кои научниците веруваат дека е одговорот зошто тој не го пренел вирусот на сите негови контакти. Или барем на некои од нив. Се верува дека имунолошкиот систем на детето е посилен од оној на возрасните, така што тие полесно се ослободуваат од вирусите.
