ekran платформа за слободоумни
Писателката и блогерка од Северна Калифорнија, Шели Ветон, често пишува за нејзините бракови, поранешните сопрузи, самохраните родители и за работите во кои наоѓа утеха и мир. Во еден од текстовите таа пишува зошто решила да се омажи за човек кој не го сака.
Веднаш по финализирањето на мојот развод, седев на каучот и со часови гледав во таванот.
Телевизорот беше исклучен, во цела куќа беше тишина. Ништо не ми се мешаше во сеќавањата на прекрасните моменти од бракот – 12 години одење на одмори, семејни прослави, шепотење на перницата и воспитување на нашиот син. Овие слики наизменично се менуваа на таванот, а јас заборавив на гладот и на се останато.
Сакав да се сетам, да се сетам на времето кога сè имаше смисла. Времето кога мама и тато беа заедно со нивниот син.
Се сеќавав на неговата насмевка, звукот на неговата смеа, неговите прегратки и целокупноста што ја чувствував кога бев со него и нашиот син. Се чувствував сакано и се држев за тоа чувство додека еднаш не исчезна. После се држев за неговото сеќавање.
Живеев во минатото и пасивно се движев низ животот. Се плашев дека никогаш повеќе тоа нема да го најдам. Како да го обновам чувството на целост и сигурност? Како може мојот син да го добие тоа чувство?
Морав да најдам нов сопруг!
Ако повторно се омажам, мојот син нема да порасне сам со мајка му. И ако најдам некој брзо, син ми нема да се сеќава на мајката што беше понижена. И така завршив на олтарот по втор пат – скршена, дијагностицирана со депресија и очајна.
Најдобриот квалитет на мојот иден сопруг беше тоа што го сакаше моето дете. Тој беше детинест сам по себе и бев сигурна дека нема да ме повреди – ниту мене, ниту моето дете. Конор ми беше поважен од мојата среќа.
Кога гласот во мојата глава ми кажа дека нешто не е во ред, не сакав да го слушам. Си реков дека е добар човек и дека добро се сложува со Конор. Но…
Ова е причината зошто многу жени прават толку голема грешка по разводот. Сигурна сум дека има и други причини, но за мене главната причина е тоа што сакав да создадам чувство на стабилност за себе и за мојот син. Затоа се омажив за човек кој не го сакав. Не мислам на финансиската стабилност. За мене стабилност значи прстен на рака и комплетно семејство.
Каква грешка направив
Излегува дека парче хартија што не прави маж и жена не може да ме исполни, да создаде целина и да ја замени љубовта. По една година се разделивме и повторно се чувствував осамено. Не можев да престанам да плачам.
Сега разбирам зошто толку многу избираат да прават глупави работи по разводот и го препознавам старото јас во празнината што ја чувствувам. Би сакала да ја гушнам старата јас и да и кажам да не брза, да се поштедам од понижувањето.
Омажувањето за човек што не го сакав и разводот од него беа придружени со срам од уште еден неуспех. Но, ова искуство ме научи дека љубовта не може да се форсира и дека понекогаш е подобро да се биде сам.
Фото: Илустрација
