Инфлуенсерка (22) починала по корекција на носот: Хирургот го нашла на ТикТок, три дена се борела за живот

Агата Маргарет Спада (22) од Италија починала три дена откако отишла на естетска операција на носот.
Убавата Италијанка, Агата Маргарет Спада (22) на почетокот на ноември заминала во Рим за да направи естетска операција на носот. Само три дена подоцна, на 7 ноември, таа починала во болницата Сант Еугенио по итна хоспитализација. Обвинителот Ерминио Амелио отворил истрага против хирургот кој ја извршил операцијата бидејќи се сомневал дека е убиство од небрежност. Според италијанските медиуми, Агата Маргарет Спада контактирала со хирургот преку TikTok.

Клиниката каде што е извршена операцијата во моментов е затворена, а се истражува дали ги имала потребните дозволи за вршење на ринопластика и дали здравствената состојба на младата жена била соодветно проценета пред зафатот. Според извештаите, Агата почнала да трепери по анестезијата, а потоа нејзината состојба нагло се влошила. Во тој момент било контактирано момчето на младата Италијанка за да одговори на прашање за можни алергии. Влегол во операционата сала и на својот телефон ги снимил драматичните сцени.

Агата три дена се борела за живот, но на крајот починала. Адвокатот на семејството, Алесандро Винчи, рекол дека анестезиолозите наскоро ќе бидат сослушани за да се утврди дали имало невнимание.
„Сè уште не знаеме дали на Агата и била дадена локална анестезија или нешто поинвазивно. И не знаеме дали центарот воопшто имал дозвола да примени анестезија. Ги чекаме резултатите од обдукцијата со голема надеж“, рекол тој.

Семејството тврди дека Агата била во добра здравствена состојба и немала никакви хронични заболувања или терапија.

Фото: Принтскрин/TikTok