ekran платформа за слободоумни
Во Флорида, САД, синоќа на 77 години почина Димче Мешковски, македонски театарски, филмски и телевизиски актер и хуморист.
Почина Димче Мешковски, македонски театарски, филмски и телевизиски глумец и хуморист. Мешковски е роден на 31 октомври 1945 година во Скопје, а почина на 77-годишна возраст.
Беше глумец во Драмскиот театар – Скопје.
Остварил улоги во многу театарски претстави, како „Диво месо“, „Солунски патрдии“, „Хамлет од Долно Гаштани“, телевизиски серии, како „Македонски народни приказни“, радиодрами и хумористични серии, меѓу кои и „Хихирику“, и играни филмови, како „Викенд на мртовци“.
Својот глас го позајмувал и при синхронизацијата на цртани филмови, меѓу кои и Гаргамел во „Штрумфови, а познат е и по улогата на Дедо Мраз во новогодишните претстави за деца. Добитник е на повеќе награди, меѓу кои и наградата „Војдан Чернодрински“ за животно дело.
Сочувство за смртта на Мешковски изрази Драмски тетар кој беше негова матична сцена. Комеморацијата ќе се одржи во салонот на Драмски театар на 28 март во 12 часот.
Тој е татко на познатата македонска пливачка Наташа Мешковска.
Димче Мешковски пензионерските денови ги минуваше во Флорида, САД, за што зборуваше и на Телма.
По повод смртта на Димче Мешковскисе огласи и неговата колешка Весна Петрушевска.
