ekran платформа за слободоумни
Музичарот Милиќ Вукашиновиќ по силните болки кои ги трпел со денови лекарите итно го оперирале и решиле да му ја ампутираат ногата до коленото.
Како што пренесува Телеграф, Вукашиновиќ е опериран вчера и моментално е во стабилна состојба. Милиќ Вукашиновиќ на крајот на минатата година минал неколку недели во болница поради срцев удар, но поради компликациите кои настанале, поминал осум дена на одделението за интензивна нега.
Тој исто така морал да оди на итна операција на ногата поради заразување со бактерии стекнати во болница, а за својата борба јавно проговори во август.
View this post on Instagram
„Ја оперирав левата нога. Ми вградија вештачка вена, а требаше да се оперира и десната. Ми останаа четири аневризми кои не се премногу големи. Меѓутоа, сега ме боли десната нога, стапалото. Отидов кај истиот хирург кој ми направи скенирање и рече дека не може да се оперира затоа што имам лоши крвни садови. Ако не успеам да го вратам крвотокот во таа нога, постои опасност. Ризично е да се отвори ногата, бидејќи би морала да се отсече во случај да не успее“, изјавил тој за српските медиуми.
Лекарите планирале да му вградат стентови, но тоа не било можно поради неговата состојба.
Фото: Принтскрин/Instagram
