ekran платформа за слободоумни
Една година?! Навистина?! Нам времето ни мина бргу и како вчера да го славевме отворањето… Но, точно е: нашата кафе-книжарница Илика денес го слави својот прв роденден!
Првиот е секогаш незаборавен, па затоа ве каниме да дојдете и да прославиме заедно. Во пријатниот зимски амбиент во книжарницата ќе можете да ги разгледате најновите наслови од различни издавачки куќи, а во дворчето да се вратите во детството со неколку познати и лесни игри што тематски ги прилагодивме на најпопуларните книги и автори/ки во „Илика“.
На менито повторно ќе има греено винце и топли безалкохолни напитоци, а ние ќе се погрижиме и да ве заблажиме со вкусни домашни колачиња. Ве очекуваме, ви се радуваме и едвај чекаме, се вели во објавата од книжарницата „Илика“.
