ekran платформа за слободоумни
Денес со почеток од 13:00 часот во НУЦК „Бели Мугри“ во Кочани, ќе биде отворена хуманитарната изложба „Портрет на еден архитект“, во чест и спомен на архитектот Александар Гицов.
Гицов како архитект остави значаен белег во Кочани. Неговите стручни и уметнички способности беа препознаени и одликувани со Награда за животно дело од Општина Кочани. Неговото архитектонско творештво опфаќа бројни проекти низ македонските градови. На настанот ќе бидат изложени модели на дел од неговиот творечки архитектонски опус.
Воедно, оваа изложба има хуманитарен карактер, со цел собирање на средства за донација на училишен прибор на учениците од социјално загрозените семејства.
