ekran платформа за слободоумни
Земјотрес со јачина од 7,8 степени според Рихтеровата скала ја погоди јужна Турција пред три дена и беше почувствуван во голем дел од земјата, како и во неколку земји во регионот, вклучително и соседна Сирија. Големата спасувачка операција се уште е во тек. Последните податоци покажуваат дека во земјотресот се уништени најмалку 2.818 згради.
Целиот свет има можност да ги види шокантните фотографии од спасувањето, како и извлекувањето на луѓето кои не го преживеале земјотресот. Бројот на жртви се искачи на над 19.000.
Во овие исклучително тешки моменти на социјалните мрежи се појави фотографија која го обиколи светот. Имено, во срушените згради во Сирија, сестрата го чувала својот помал брат да не се повреди.
The 7 year old girl who kept her hand on her little brother's head to protect him while they were under the rubble for 17 hours has made it safely. I see no one sharing. If she were dead, everyone would share! Share positivity… pic.twitter.com/J2sU5A5uvO
— Mohamad Safa (@mhdksafa) February 7, 2023
– Седумгодишното девојче кое 17 часа ја држеше раката на главата на својот помал брат додека беа под урнатините, успешно е спасено. Гледам дека никој не споделува. Да беше мртва, сите ќе споделеа! Споделете го позитивното…, стои во описот на фотографијата на корисникот на социјалната мрежа Твитер.
Девојчето се вика Маријам и нежно ја гали косата на својот помал брат додека лежат згрчени во нешто што личи на остатоци од кревет. Седумгодишно девојче и нејзиниот помлад брат биле заробени повеќе од 17 часа.
Фото: Принтскрин/Twitter
