ekran платформа за слободоумни
Музичарот Брус Спрингстин неодамна јавно го искажа своето мислење за Доналд Трамп пред фановите собрани во Манчестер, а по навредите, Трамп се огласил на својот Твитер профил.
Брус ги изразил своите ставови за Доналд Трамп нарекувајќи го „неспособен предавник“, што го налутило Трамп, кој не ги бирал зборовите кон Спрингстин. Спрингстин истакнал дека Трамп води „корумпирана, некомпетентна и предавничка администрација“.
Тој, исто така, одржал серија говори на сцената во Манчестер, каде што ја започнал својата најнова турнеја „Land of Hope and Dreams“.
View this post on Instagram
„Во САД, најбогатите луѓе уживаат во напуштањето на најсиромашните деца во светот, болестте и смртта. Тие садистички уживаат во болката што им ја нанесуваат на лојалните американски работници. Тие ги напуштаат нашите големи сојузници и се на страната на диктаторите против оние кои се борат за слобода“, рекол Спрингстин.
Трамп одговорил на овие обвинувања: „Тој е преценет, не е талентиран човек, тој е само наметлив, непријатен кретен. ‘Поспаниот Џо’ немаше поим што прави, но Спрингстин е глупав и не можеше да види што се случува или што може да направи. Овој пресушен рокер треба да си ја држи устата затворена додека не се врати на земјата, сè е како и обично. Потоа сите ќе видиме како ќе му оди“.
Donald J. Trump Truth Social 05.16.25 10:07 AM EST. pic.twitter.com/3WM0mcbtWN
— Commentary Donald J. Trump Posts From Truth Social (@TrumpDailyPosts) May 16, 2025
Само неколку часа подоцна, Трамп решил да ја критикува Тејлор Свифт и на Твитер напишал: „Дали некој забележал дека откако реков дека ја мразам Тејлор Свифт, таа веќе не е толку популарна“.
Откако Свифт ја поддржа Камала Харис, Трамп напишал на Твитер дека ја мрази. Спрингстин и Свифт сè уште не одговориле на навредите од Трамп. Турнејата на Спрингстин ќе продолжи вечерва со концерт во „Co-Op Live“ во Манчестер.
Во неговото неодамнешно интервју за „Paris Match“, Спрингстин изјавил: „Да ми кажевте пред 10 или 15 години дека ќе морам да се грижам за опстанокот на демократијата во САД, ќе ви кажев дека сте го изгубиле разумот, но еве нè. Затоа морам повторно да одам на турнеја, за да го контекстуализирам она што се случува во нашата земја во моментов. Сè уште не го гледате тоа во Европа, но тука во Америка, луѓето се исплашени. Сите се прашуваме што ќе се случи утре, никој не знае. Бидејќи човекот што е наш претседател е неурамнотежена личност, едно е сигурно – нашата непосредна иднина ќе биде многу комплицирана“.
Фото: Архива/монтажа
