ekran платформа за слободоумни
Денес започна снимањето на краткометражниот игран филм „Сценариото“, по сценарио и режија на Александра Кардалевска, а во продукција на Лајт Продакшн во соработка со Круг Филм од Скопје, Алка Филмс, Кубе Студиос од Албанија и Иконе студио од Косово.
„Сценариото” раскажува фантастична приказна за неколку познати ликови од литературата кои излегле од своите оригинални дела со цел да се сретнат во фантастичната приказна на сценариото обидувајќи се да излезат од него.
Главните улоги ги толкуваат Драгана Костадиновска, Огнен Дранговски, Атанас Атанасовски, Игор Ангелов, Симеон Дамевски и Ана Стојановска.
Продуценти на филмот се Александар Крстевски и Дејан Крајчевски, директор на фотографија е Душан Кардалевски, сценограф Влатко Чачоровски, костимограф Маја Ѓуреска, шминкер Снежана Ангеловска и снимател на тон Дарко Спасовски.
Проектот е финансиран со средства од Агенцијата за филм на РСМ и ќе се снима на локации во Скопје до 24. декември 2021 година.
Photo credit на фотографиите: Dimitri Geukenne
