ekran платформа за слободоумни
Сликата на малиот Мустафа и неговиот татко Мунзир Ел Незел, на која и двајцата имаат широки насмевки на лицата, се „заканува“ да стане фотографија на 2022 година.
Мустафа и неговиот син веќе беа протагонисти на наградуваната фотографија со наслов „Тешкотијата на животот“ направена од турскиот фотограф Мехмет Аслан, која минатата година ја доби наградата во Сиена.
На фотографијата Ел Незел, кој ја загубил ногата во бомбардирањето во Сирија, во раце го држи својот син, роден без екстремитети.
Новата фотографија е направена за време на нивното слетување во Италија. Нивното пристигнување беше организирано од челниците на споменатиот фестивал.
La photo du réfugié syrien amputé d'une jambe et de son bébé handicapé avait ému la planète.
Munzir El Nezzel, son fils Mustafa, son épouse et leur fille viennent d'arriver en Italie grâce aux organisateurs des Siena International Photo Awards ⤵
➡️ https://t.co/FlPsVI7998 pic.twitter.com/QJXr2YRCdY— Le Parisien (@le_Parisien) January 22, 2022
„Доаѓаме, благодарам. Ја сакам Италија“, рекол шестгодишниот Мустафа, широко насмеан во видео пораката пред тој и неговото семејство – Ел Незел, мајката на момчето и двете сестри на една и четиригодишна возраст – да се качат во авион во Анкара, каде што живееле откако избегал од Сирија.
Нивната минатогодишна емотивна фотографија стигна на насловните страници на списанијата во Италија, а беше споделена милиони пати на социјалните мрежи. Ова ги поттикна организаторите на фестивалот да почнат да собираат средства за лекување на таткото и синот.
Munzir El Nezzel, little Mustafa, his mother Zeynep and two daughters Nur and Sacide are flying to Rome today. They will be welcomed by the directors of the Siena International Photo Award, volunteers of the Misericordia and a cultural mediator. In Siena, a new life will begin. pic.twitter.com/7oHEkJBnDe
— Ines San Martin (@inesanma) January 21, 2022
Организаторите на фестивалот стапиле во контакт со дипломати, болници, центри за рехабилитација и католичката епархија во Сиена за да бидат домаќини на едно сириско семејство а Мустафа и неговиот татко конечно да добијат протези кои ќе им овозможат нормално да одат, пишува Indianeewpress.
