ekran платформа за слободоумни
Ќерката на Брус Вилис за медиумите раскажала за состојбата на познатиот актер сега, како и за личната болест со која се соочува.
Познатиот актер Брус Вилис (69) уште еднаш ги растажил обожавателите ширум светот. Тој е само бледа сенка на човекот каков што беше. Откако лекарите му дијагностицираа деменција, тој се повлече од светот на филмот, а времето го поминува со семејството – сопругата Ема и нивните ќерки, но и поранешната сопруга Деми Мур и ќерките кои ги имаше во бракот со неа.
Неговата ќерка Талула, која ја имаше со Деми, проговорила за вистинската состојба на Вилис и го расплакала целиот свет.
– Стабилен е, што е добро во неговата ситуација. И тешко е – има болни денови, но и толку многу љубов околу вас. Од татко ми научив дека ниту еден момент не треба да го земам здраво за готово и се трудам што почесто да бидам со него. Тој не знае, но верувам дека би се гордеел со мене – изјавила таа, пренесува „Daily Mail“.
View this post on Instagram
И’ самата е болна
Неколку месеци откако било откриено дека Брус боледува од тешка болест, се огласила и Талула, на која минатата година на 29-годишна возраст и бил дијагностициран аутизам.
– Долги години ми ставаа погрешна дијагноза, па конечно дознав од што боледувам дури на 29 години. Јас сум високофункционална аутистична личност, премногу сум чувствителна особено на надворешни дразби, а луѓето мислеа дека тоа е мојот начин на комуникација – изјавила таа.
Како што нагласила ќерката на познатиот актер, ова не е прв случај со години да талка од доктор на доктор додека конечно не и ја дале вистинската дијагноза. Таа открила и како се чувствувала кога и кажале од што боледува.
– Беше многу емотивно. Тоа беше олеснување. Да бидам искрена, многу се мразев себеси, мислев дека сум многу скршена, ми се гади иако постојано ми велеа дека сум добро. Сега ми е полесно бидејќи знам за што се работи и како да се борам со себе и со светот – искрена била Талула.
На Вилис му беше дијагностицирана афазија во април 2022 година, а 6 месеци подоцна му беше дијагностицирана фронтотемпорална деменција (ФТД).
View this post on Instagram
– За жал, комуникациските предизвици се само еден од симптомите на болеста со која се справува Брус. Иако ова е болно, олеснување е конечно да имаме јасна дијагноза за да знаеме што да правиме – изјавила тогаш неговата сопруга Ема.
Не постои лек за оваа болест, а најчестите симптоми се:
– промена во личноста и однесувањето
– потешкотии во говорот
– проблеми со меморијата
– повлекување во себе
Фото: Принтскрин/Instagram
