ekran платформа за слободоумни
Двејн Џонсон се заглавил во уште еден автомобил од соништата.
Акциониот спектакл „Red Notice“ наишол на нови проблеми. За нив е виновен Двејн Џонсон, односно неговото тело. Имено, поранешниот борач и еден од најплатените актери е едноставно преголем за да се смести во супер спортски автомобил.
По неколкумесечен прекин на снимањето поради пандемијата, во септември повторно започна да се работи на филмот. Купено е и Porsche Taycan, еден од најбараните електрични автомобили на денешницата, а The Rock требало да направи акциона сцена во него. И да ја скратиме целата приказна, сцената никогаш не била снимена бидејќи потерата запрела точно на почетокот – актерот заглавил во автомобилот.
View this post on Instagram
Продуцентот планирал сцена на потера во која Двејн скока од Порше. Скапиот Тајкан бил купен и предаден на локацијата за снимање и токму кога Двејн требало да скокне, сфатиле дека тој е едноставно премногу голем, дека рамената му се премногу широки. По неопходните измени во акцијата, сцената сепак била снимена.
Со буџет од 188 милиони американски долари, акциониот филм Red Notice е еден од најскапите филмски проекти во историјата на Нетфликс. Заедно со Двејн Џонсон, главната улога ја доби и Гал Гадот, а во филмот се појавува и Рајан Рејнолдс.
Да потсетиме, Двејн Џонсон веќе имал проблем со тркачките автомобили. Пред околу пет години, тој се пожалил дека не го собира во „LaFerrari“.
