ekran платформа за слободоумни
Низ Европа, сè уште има градови и населби каде времето застанало.
Кога ќе зачекорите во напуштено место, се чини како времето да застанало. Тротоарите кои некогаш биле полни со луѓе, сега се обраснати со плевел. Зградите кои се уриваат, со покриви што се нишаат и скршени прозорци, делуваат морничаво. На таквите места често владее непријатна тишина, која повремено ја крши само шепотот на ветрот додека го пробива својот пат низ напуштените улици.
Овие градови на духови, кои можат да се најдат низ цела Европа, се остаток од времиња кои одамна ги нема, многумина ги заборавиле, но тие сè уште постојат како морничави потсетници за животите што некогаш се случувале во нив.
Меѓутоа, од неодамна многу туристи во потрага по авантура одлучуваат да посетат вакви места. Естетската привлечност на распаѓањето во комбинација со чувството на одење низ заборавен свет е токму она што ги привлекува.
Ова се неколку градови на духови низ Европа
Трагичен спомен на Орадур-сур-Глан, Франција
На пример, Орадур-сур-Глан, село во Франција, било оставено напуштено по страшниот масакр на 10 јуни 1944 година, кога нацистичките војници убиле 642 жители. Наместо да се обнови, селото било зачувано во руинирана состојба како спомен, грозоморен потсетник за злосторствата извршени за време на Втората светска војна.
Лични предмети како велосипеди и машини за шиење сè уште лежат меѓу урнатините, обезбедувајќи поглед на животот пред трагедијата. Новото село подоцна било изградено во близина, но првобитното место останува вечен споменик на жртвите.
Имбер, Англија – село кое се користи за воена обука
Во 1943 година, на селаните од Имбер, Англија, им биле дадени само 47 дена да ги напуштат своите домови бидејќи британската армија ја презела областа за воена обука. Жителите никогаш не се вратиле, а Имбер остана главно недопрен, достапен за јавноста само на одредени датуми.
Овој замрзнат момент од минатото дава увид во воената Англија, потсетувајќи како воените потреби понекогаш ги окупираат и обликуваат заедниците, оставајќи ги нивните сеќавања замрзнати во времето.
Припјат, Украина – катастрофа во Чернобил
Градот на духови Припјат во Украина беше напуштен по катастрофата во Чернобил во 1986 година. Припјат е изграден за да се сместат работниците од блиската нуклеарна централа. Брзата евакуација по катастрофалната експлозија беше толку ненадејна што сега изгледа како времето да застанало. Учебниците се уште лежат на училишните клупи, а играчките се расфрлани по подовите на семејните домови.
View this post on Instagram
Ирбене, Латвија – советска реликвија
Друго напуштено место во Европа е во Летонија, во Ирбене, каде градот на духови покажува колку таинствени биле деновите на Советскиот Сојуз. Ирбене некогаш била советска радарска база, осмислена во целосна тајност за надзор – но не повеќе.
Ирбене бил напуштен по распадот на Советскиот Сојуз, што го означи ненадејниот крај на цела ера на европската историја. Овој ненадеен прекин ги одразува големите промени кои ја обликуваа транзицијата на Европа од Студената војна кон пообединет и отворен континент.
Пирамидин, Норвешка – замрзнат во времето
Пирамидин во Норвешка, сместен на оддалечениот архипелаг Свалбард, е град на духови кој нуди замрзнат приказ на советските амбиции. Некогаш населба за рудари за јаглен, Пирамидин бил нагло напуштен во 1998 година поради економски предизвици, оставајќи зад себе целосно опремен град со културни центри, спортски објекти и симболи на советската ера.
Денес, посетителите на ова пусто место се среќаваат со остатоците од уникатно поглавје од историјата, зачувано во ледените пејзажи на далечниот север.
Заживување на Ла Булиер, Франција
Пол Мејпл и Џип Вард, градинари од Велика Британија, го пронашле селото Ла Булиер во Нормандија, кое било на продажба за само 26.000 евра.
Ла Булие е мала населба, помала од село, без црква или значителна инфраструктура. Со визија за заживување на некогашниот шарм на местото, Пол и Џип ја презеле монументалната задача да ги урнат и обноват трошните куќи што го сочинуваат селото.
Нивните заложби се дел од проектот „Help! We Bought a Village“ (Помош! Купивме село), документарен серијал на британскиот канал Канал 4, кој го прикажува растечкиот тренд на ревитализација на напуштените села низ Европа.
Планирате да ги посетите овие места?
Напуштените села како Орадур-сур-Глан во Франција, Имбер во Англија и Припјат во Украина може да се посетат.
Сепак, посетите често бараат придржување до строги правила или организирана посета со водич поради историски и безбедносни причини.
Секогаш внимавајте на правилата и условите за влез, внимавајте на можните опасности и почитувајте ги местата како овие како потсетници на минатото. Конечно, не обидувајте се да донесете сувенир бидејќи тоа може да биде нелегално или да се смета за знак на непочитување кон оние што некогаш живееле во тоа место.
Фото: Принтскрин/mondo.rs
