ekran платформа за слободоумни
Луиџи Ло Росо го пронашол уметничкото дело додека го чистел подрумот на една куќа во Капри во 1962 година и го чувал во својот дом со години, не знаејќи дека се работи за дело на Пабло Пикасо вредно 6 милиони долари.
Во горниот лев агол стоел препознатливиот потпис на шпанскиот сликар, но Луиџи не го препознал. До откритието дошол во својот дом на Капри, Италија. Меѓутоа, тој ја ставил сликата во евтина рамка која со децении висела на ѕидот од неговата дневна соба во неговиот нов дом во Помпеја.
Луиџи починал пред да се потврди сликата, но неговиот син ветил дека ќе ја продолжи својата мисија.
Слика на Пикасо на ѕидот во домот на Луиџи
„Татко ми беше од Капри и собираше ѓубре за да го продаде за речиси ништо. Тој ја нашол сликата уште пред да се родам јас и немал поим кој е Пикасо. Тој не беше многу културна личност”, рекол синот на Луиџи.
Тој рекол дека додека растел читал за делата на Пикасо и ги споредил со сликата од неговиот дом.
„Кога читав за делата на Пикасо во енциклопедијата, ја гледав сликата и ја споредував со неговиот потпис. Постојано му кажував на татко ми дека е слично, но тој не го гледаше тоа. Како што растев, постојано се прашував дали тоа беше неговата слика. Мојата мајка не сакаше да ја задржи сликата и постојано зборуваше дека е ужасна“.
Сликата моментално се чува во трезор во Милано, додека семејството апелира до „Фондацијата Пикасо“ во Малага, која ќе го каже последниот збор за нејзината автентичност.
Пабло Пикасо беше еден од најпознатите уметници на 20 век, познат по основањето на кубистичкото движење и оставањето наследство на уметнички дела кои денес се продаваат во милиони на аукција. Пикасо направил над 14.000 дела пред неговата смрт во 1973 година.
Фото: Принтскрин/Instagram
