(ФОТО) Славниот актер поради новата улога целосно го променил изгледот – непрепознатлив е!

АКТЕРОТ Бредли Купер целосно го променил својот изглед поради улогата во филмот „Маестро“ и е речиси непрепознатлив.
Купер го игра американскиот диригент Леонард Бернштајн во неговиот нов филм за Нетфликс. Овој музичар е роден во 1918. година, а починал во 1990. година од срцев удар, кој настанал како последица на откажување на белите дробови.
На промотивните фотографии објавени на Твитер, Купер го гледаме како млад Бернштајн, а покрај него е актерката Кери Малиган. Можеме да видиме и како изгледа Купер додека го игра Бернштајн во неговите позрели години.

From the set of MAESTRO. pic.twitter.com/y3qsYILk6P

— NetflixFilm (@NetflixFilm) May 30, 2022

Сè уште не се знае многу за „Маестро“, чија премиера треба да се појави во 2023. година. Според IMDb, тоа е „комплексна љубовна приказна на Леонард и Фелисија, приказна која опфаќа повеќе од 30. години – од моментот кога се запознале во 1946. година на забава и продолжува преку две веридби, 25-годишен брак и три деца“.
Купер го напишал сценариото во соработка со Џош Сингер, додека продуценти на филмот се познатите режисери Мартин Скорсезе и Стивен Спилберг. Снимањето е во тек, а премиерата се очекува во 2023 година.
„Како дете бев опседнат со диригирање и вежбав со часови. Спилберг го знаеше тоа. Ме праша дали сакам да го играм Бернштајн, а кога го гледаше ‘A Star Is Born’, сфати дека би можел да напишам добро сценарио”, раскажал актерот во јануари, додека гостувал во „The Late Show with Stephen Colbert“.

Фото: NetflixFilm