ekran платформа за слободоумни
Познатата оскаровка Кети Бејтс во серијата на CBS „Метлок“ покажала послаба фигура од кога било, а открила и дека ослабела 45 килограми.
Таа за Variety изјавила дека слабеењето придонело за нејзината издржливост и дека може да го носи товарот на серијата.
„Одлично ми помогна тоа што ослабев 45 килограми во последните шест или седум години. Мислам дека не сум била толку слаба откако бев на факултет“, изјавила актерката.
Бејтс вели дека 2011 година била најтешка.
„Го користев секој момент да седнам. Тешко ми беше да одам. Се срамам што си дозволив толку многу да ја изгубам формата, но сега имам огромна количина на енергија”, рекла таа.
View this post on Instagram
Сепак, оваа трансформација не им се допаднала на многу обожаватели на познатата актерка.
„Мило ми е што се чувствува подобро, но сега изгледа многу постаро“, „Мислам дека е поубава со некој килограм вишок“, „Ова не е Бејтс на која сме навикнати“, „Дали е до мене или порано изгледаше поубаво и поздраво“, го коментирале фановите слабеењето на популарната актерка.
Кариерата на Бејтс го достигна врвот кога актерката имаше 42 години. Потоа ја доби улогата на Ени Вилкс, психотична жена која киднапира познат писател во филмот „Misery“. Токму оваа улога и донесе Оскар.
View this post on Instagram
Денес оваа 76-годишна актерка вели дека годините не влијаеле на нејзините актерски ангажмани бидејќи никогаш не била типична убавица.
„Морам да признаам дека малку ми е мило кога ги гледам моите пријателки кои беа убавици, но кои повеќе не работат поради староста. Во мојот случај, би можела да продолжам да работам затоа што не изгледам така. Мислам дека не ќе ја добиев улогата во ‘Misery’ ако бев типична убавица“, рекла таа.
View this post on Instagram
Бејтс глумеше во „Six Feet Under“ и „The Office“ и доби Еми за нејзината гостинска улога во „Two and a Half Men“.
Покрај тоа, таа глумеше и во „”Harry’s Law“, „American Horror Story“, „Disjointed“, „The Miracle Club“, „Annie“, „Dolores Claiborne“, „Fried Green Tomatoes“, „Boychoir“ и бројни други филмови и серии.
View this post on Instagram
Фото: Принтскрин/Instagram
