ekran платформа за слободоумни
Новак Ѓоковиќ се најде во незавидна ситуација откако неговото пријателство со Шон Диди Комбс, попознат како Паф Диди, се најде под лупа по апсењето на контроверзниот рапер.
Дека Новак Ѓоковиќ и Паф Диди се пријатели дознавме кога американскиот рапер дојде на УС Опен во 2011 година за да му даде поддршка на српскиот тенисер во неговиот меч против Роџер Федерер.
Ѓоковиќ, во тоа време четирикратен Грен слем шампион, сакаше да ја освои својата прва титула на УС Опен таа година, што на крајот и успеа.
На Твитер, Новак му се заблагодари на Диди за поддршката и додаде дека неговиот тим мисли дека раперот е „кул“.
„Благодарам за поддршката во сабота на УС Опен! Целиот тим мисли дека си многу кул“, напишал тогаш Ѓоковиќ.
@iamdiddy Yo Diddy! Thanx for supporting on saturday on US Open! Whole team thinks you are very cool 😉
— Novak Djokovic (@DjokerNole) September 13, 2011
Фотографиите на раперот во ложата на Ѓоковиќ ги преплавија социјалните мрежи кога се појави веста за апсењето на Диди.
Потсетуваме дека федералните агенти му ја одзедоа слободата по сериозните обвинувања за сексуална злоупотреба и трговија со луѓе.
По неговото апсење, обожавателите го потсетија Ѓоковиќ на твитот од пред 13 години и му предложија веднаш да го избрише.
Delete it Novak, better for you
— houda benabid9 (@BHouda9) May 24, 2024
@iamdiddy Yo Diddy! Thanx for supporting on saturday on US Open! Whole team thinks you are very cool 😉
— Novak Djokovic (@DjokerNole) September 13, 2011
По полуфиналниот натпревар на УС Опен во 2011 година, Ѓоковиќ на прес-конференција потврди дека се познавал со Диди од порано.
„Па, беше одлично што го имав таму (во боксот, за. на нов). Се запознавме на забава, но не можам да зборувам за детали. Беше забавно. Тој очигледно е огромна ѕвезда во шоу-бизнисот, успешен е и има јак карактер. Мислам дека начинот на кој ме поддржа беше многу интересен“, рекол Новак на конференцијата.
Обожавателите го критикуваа Ѓоковиќ дека одржува контакт со контроверзни луѓе, бидејќи тој го следи и Ендрју Тејт, докажан промотор на мизогински ставови.
Фото: Монтажа/Архива
