ekran платформа за слободоумни
Куќата на Мел Гибсон изгорела до темел во пожарот кој веќе неколку дена беснее во Лос Анџелес. Актерот, меѓу другото, го критикуваше гувернерот на Калифорнија, Гевин Њусом.
Тој рекол дека му се слошило кога бил во Тексас на снимањето на „The Joe Rogan Experience“, бидејќи знаел дека областа во која живеел е во пламен.
„Тоа е поразително и емотивно. Се ослободив од товарот на нештата бидејќи сè е во пепел“, рекол тој.
Тој изјавил дека овде живеел повеќе од 15 години и дека домовите ги загубиле и многу негови колеги, меѓу кои и актерот Ед Харис. Тој рекол и дека гувернерот ветил дека ќе се грижи за шумите, но на крајот не направил ништо.
„Мислам дека сите наши даночни пари веројатно беа потрошени на гелот за коса на Гевин“, рекол Мел Гибсон.
Би-би-си јави дека загинале најмалку 10 луѓе. Неколку десетици илјади жители беа евакуирани.
Фото: Принтскрин/Pagesix
