ekran платформа за слободоумни
Новинарот Ендрју Кастл ги разбранувал круговите блиски до Роџер федерер и неговата сопруга Мирка со изјавата дека прстенот кој го носела за време на финалето на Вимблдон, „не изгледа како скапоцен накит“ и тоа преку швајцарските медиуми.
На помош бил повикан златар, еден од највлијателните во Швајцарија, кој дал свое стручно мислење за вредноста на прстенот на Мирка.
„Прстенот е ексклузивен“, не остава дилема околу автентичноста на каменот на почетокот на разговорот Лазар Себлер, сопственик на една златара во Цирих.
„На прв поглед, би рекол дека станува збор за скапоцен камен, и тоа многу егзотичен. Големината е тешко да се процени бидејќи госпоѓа федерер не ја знам лично. Според моја проценка станува збор за дијамант од 7. карати, ако не и поголем. Карактеристиките на овие камења се екстремно голема чистота, можно е да станува збор и за чист дијамант! Пазарната цена на вакво парче накит е непроценлива“.
„Проценка е дека ваков дијамант вреди повеќе од половина милион франци (1 франк е 55,5 денари). Не би бил изненаден да вреди и цел милион. Во секој случај, станува збор за раритетно парче, дијамантите со таа чистота се многу ретки“, тврди Себлер.
Дијамантот на Мирка бил лесно да се забележи бидејќи често го изложувала на погледите на навивачите фаќајќи се за глава и лицето во екстремно возбудливиот дуел на нејзиниот сопруг со Новак Ѓоковиќ во финалето на Вимблдон.
