ekran платформа за слободоумни
Фронтменот на Ролинг Стоунси, Мик Џегер е позитивен на коронавирус, поради што бендот го откажа концертот во понеделникот, само неколку часа пред почетокот на најавениот настап.
„Многу ми е жал што морам да ве известам дека го одложуваме настапот во Амстердам. Само што, од тестот, дознав дека имам КОВИД. Ќе се обидеме што поскоро да направиме нов распоред на настапи и што побргу да се вратиме на сцената. Ви благодарам на разбирањето и трпението“, напишал Џегер на Твитер.
— Mick Jagger (@MickJagger) June 13, 2022
Бендот исто така објави дека Џегер (78) бил тестиран откако ги почувствувал симптомите на Ковид по пристигнувањето на стадионот во предградието на Амстердам.
„Ролинг Стоунси искрено жалат за одложувањето на концертот, но безбедноста на публиката, другите музичари и тимот на турнејата мора да биде приоритет“, се наведува во образложението за откажувањето на концертот.
Ролинг Стоунси се на европската турнеја SIXTY, по повод 60-годишнината.
Amazing show in Liverpool last night and great to meet @yungblud too! pic.twitter.com/YRj6bCBO5C
— Mick Jagger (@MickJagger) June 10, 2022
Фото: Принтскрин/Twitter
