ekran платформа за слободоумни
Новак Ѓоковиќ објави фотографија од својата повреда.
Новак Ѓоковиќ објави фотографија од неговата повреда. Олимпискиот шампион не можеше да го продолжи полуфиналниот меч на Австралија опен, поради што по 80 минути игра му го предаде на Саша Зверев. Веќе тогаш се водеше полемика дали Србинот навистина е повреден, а Ѓоковиќ сега ја објави снимката за да ги демантира различните гласини.
„Мислев дека ќе го оставам ова овде за сите вас „експерти“ за спортски повреди кои сте се јавиле“, напишал Новак Ѓоковиќ на својот Твитер профил и објавил снимка од магнетна резонанца.
На снимката може да се претпостави дека станува збор за руптура на мускулот. Посветлата област исто така може да укаже и на присуство на течност или крварење поради повреда. А, во случај да не е во прашање делумно пукање на мускулот, тоа може да биде сериозно оптоварување со воспаление.
Thought I’d leave this here for all the sports injury “experts” out there. pic.twitter.com/ZO5mBtw9zB
— Novak Djokovic (@DjokerNole) January 25, 2025
Новак Ѓоковиќ го предаде мечот против Саша Зверев во полуфиналето на Австралија опен. Неговите постапки брзо предизвикаа бес кај публиката во Мелбурн, а олимпискиот шампион беше испратен од теренот со бројни исвиркувања.
Неопходно е да се напомене дека Ѓоковиќ заработи повреда на бутот на мечот со Карлос Алкараз и затоа побара лекарски тајм-аут. По тој меч имаше многу критики и тврдења дека Ѓоковиќ ја одглумил повредата, но на мечот против Германецот беше јасно дека Србинот нема многу сили за да го продолжи мечот.
„Знам што се случува со моето тело, што чувствувам и колку сум дал на овој турнир во последните 20 години. Сега ќе запрам, за да не продолжам во погрешна насока” – изјави Новак по неговиот полуфинален натпревар на Австралија опен.
Фото: Принтскрин/X
