ekran платформа за слободоумни
Не е познато зошто но секоја година настрадува по некој рапер, односно – е убиен. Најновата жртва е 33. годишниот Нипси…
Нипси Хасл е убиен на 33 годишна возраст, а популарниот американски рапер чие вистинско име е Ермиас Дејвидсон Ашгед умрел откако вчера било пукано во него околу 15:20 часот пред сопствениот бутик во Лос Анџелес.
Тажната вест ја потврди и градоначалникот на Лос Анџелес, Ерик Гарсети.
“Нашите срца се со саканите на Нипси Хасл”, напишал на Твитер профилот.
Покрај во него, неидентификуваниот напаѓач пукал во уште двајца мажи кои биле пренесени во болница. Еден од нив починал, додека другиот успешно се опоравува, објавуваат од полицијата на Лос Анџелес.
“Моментално немаме информации за осомничениот и ќе откриеме повеќе детали кога ќе ги имаме”, додале тие.
Во музичката индустрија бил ценет и почитуван, а за тоа докажува податокот дека неговиот британски албум “Victory Lap 2018” беше номиниран за Греми награда за албум на годината, пред кој објави десет компилации и одржа многубројни настапи. Раперот со годни бил во врска со глумицата Лорен Лондон со која има и две деца, Емани и Крос.
Помеѓу многубројните објави посветени за Нипси, се најде и кошаркарската ѕвезда Леброн Џејмс. НБА ѕвездата на Инстаграм објави фотографија од раперот со зборовите:
“Пред неколку дена се допишувавме, брату. Ти кажав колку сум горд на тебе и дека ќе те угостам со повеќе натпревари на Лејкерс следната сезона. Беше истиот од првиот ден. Почивај во мир, млад кралу. Ова долго ќе боли”.
