ekran платформа за слободоумни
Крвавата Месечина ќе предизвика најдолго затемнување во овој век. Во исто време, Марс ќе биде најблиску до Земјата во последните петнаесет години и затоа ќе изгледа посветло од инаку…
Помрачувањето на Месечината или лунарна еклипса ќе се случи во ноќта од 27. јули на 28. јули и ќе биде најдолго затемнување во 21. век. Треба да трае еден час и 43. минути, а научниците велат дека тоа ќе биде највидливо во југоисточна Европа.
“Тоа е одлично! Ова е навистина извонредна и ретка можност да го видиме затемнувањето на Месечината покрај Марс на ноќното небо. Ќе имаме два сјајни објекти и одлична можност за фотографите”, изјави за Ројтерс Роберт Меси од Британското кралско астрономско друштво.
„Крвавата Месечина“ ќе имаме можност да ја видиме на 27. јули
Помрачувањето ќе трае се’ додека Месечината е на една од најоддалечените точки од Земјата, па сенката ќе биде поголема отколку во текот на вообичаените затемнувања. Затоа, Месечината, поради ефектот познат како Рајлиева дисперзија (Rayleigh scattering), ќе изгледа особено црвено.
За оние суеверни, затемнувањето на Месечината сугерира апокалиптична катастрофа.
