ekran платформа за слободоумни
Недостатокот на сон е проблем на бројни родители кои, поради обврските кон децата и во домот, не успеваат да спијат колку би сакале. Тоа е проблем со кој се соочува и познатиот глумец Двејн „The Rock” Џонсон кој е татко на три ќерки.
„Работев до доцна во ноќта и спиев само три часа кога ова торнадо влезе во нашата спална соба, скокна на мене и ме убеди да станам и да ја одведам во својот ормар во кој ги држи своите играчки за да си играме“, напишал покрај фотката на која во рацете ја држи двегодишната ќерка Јасмине.
Меѓутоа, девојчето наумило да прави нешто сосема друго.
„Влеговме во орманот и потоа изненадување – одби да си игра и само сакаше да ја држам додека испушта ветрови“, додал и потоа испратил важна порака на сите родители на кои вакви ситници тешко им паѓаат.
„Пеколно сум уморен, но ќе дојде време, за неколку години, кога скокањето во моја прегратка ќе и биде последна работа на светот која ќе сака да ја прави бидејќи тоа повеќе нема да и биде кул. Затоа секогаш ќе уживам во ваквите моменти, додека можам“.
46. годишниот глумец со девојката Лорен Хашиан ја има и шестмесечната ќерка Тиана Гиу, додека од бракот со бодибилдерката Дени Гарсиа ја има 16. годишната ќерка Симоне Александриа.
Фото:Instagram
