ekran платформа за слободоумни
Пар од САД кој заминал на пат доживеал големо изненадување веќе на аеродромот.
Имено, кога им бил измерен багажот, сфатиле дека еден куфер е три килограми потежок отколку што треба. Бидејќи не сакале дополнително да платат, решиле да го отворат за да видат што е толку тешко внатре и да исфрлат неколку работи.
Сепак, она што го нашле внатре дефинитивно не било за „фрлање“. Тие три вишок килограми се точната тежина на нивната чивава Ики. Не се обиделе да ја прошверцуваат – Ики се турнала во куферот и се сокрила внатре. Ако потешкиот багаж не бил забележан на време, чивавата ќе полеташе со своите сопственици.
Ики била склона да копа низ облеката и да се крие под неа, но сепак останува малку нејасно како сопствениците не забележале дека кучето го нема никаде во куќата.
Во секој случај, тие биле многу среќни што ја откриле навреме, бидејќи се прилично сигурни дека таа немало да го преживее летот.
Вработен на аеродромот понудил да го чува кучето додека не се вратат сопствениците кои тргнале на пат.
Фото: Илустрација
