ekran платформа за слободоумни
Марлене Скиапа, француската министерка за социјална политика, е на удар на критики поради позирање за насловната страница на магазинот „Плејбој“.
Таа била фотографирана во бел фустан кој го истакнал нејзиното деколте. Таа дала опширно интервју во кое зборувала за правата на жените и ЛГБТ заедницата. Нејзиното појавување во споменатиот магазин предизвикала критики од нејзините колеги, меѓу кои и премиерката Елизабет Борн.
„Тоа не е соодветно, особено во овој период“, рекла таа, мислејќи на актуелните немири во Франција поради притисокот на Емануел Макрон за воведување пензиски реформи.
Министерката Марлене се огласила на Твитер и одговорила на критиките.
Invité ce matin sur Europe1 le Ministre de l’intérieur @GDarmanin apporte son soutien à @MarleneSchiappa sur sa Une Une de #playboy. Il cite Cookie Dingler : « vous ne me ferez pas dire de mal de Marlène Schiappa (…) être une femme libérée, c’est pas si facile » pic.twitter.com/pz50OoQdls
— Jeanne Baron (@jeannebarontv) April 2, 2023
„Жените треба да имаат право да ги контролираат своите тела. Секаде и цело време. Во Франција жените се слободни. Со должна почит кон клеветниците и лицемерите“, напишала таа.
Некои колеги решиле да и дадат поддршка, а меѓу нив е и министерот за внатрешни работи Џералд Дарманин.
„Сакам да кажам дека Марлене Скиапа е храбра политичарка. Таа има карактер и стил. Не мора да се согласувам со неа, но ја почитувам“, рекол тој.
Фото: Принтскрин/Instagram
