ekran платформа за слободоумни
Колачите во кои се користат бисквити како основа се многу практични, а во исто време и многу вкусни. Затоа, доколку сакате јаболка, дефинитивно пробајте го овој едноставен десерт.
Рецептот го најдовме на Инстаграм профилот на фудблогерката Наталија Милодановиќ, која за овој колач користела тавче 30х20 см.
Состојки што ќе ви бидат потребни:
приближно 300 грама бисквити
700 грама рендани јаболка
сок од половина лимон
500 милилитри вода
шест лажици шеќер
една кесичка ванилин шеќер
две кесички пудинг од ванила
една кафена лажичка цимет
шлаг и млеко/вода или слатка павлака за шлаг
View this post on Instagram
Подготовка:
Измијте ги, излупете и изрендајте ги јаболката. Треба да имате приближно 700 грама рендани јаболка. Се ставаат во тавче и се преливаат 300 милилитри вода, сок од половина лимон, кесичка ванилин шеќер и обичен шеќер. Варете околу 10 минути на средна температура јаболките малку да омекнат.
Се меша пудингот од ванила во 200 милилитри вода и се вари заедно со јаболката. Вратете на шпорет и варете уште неколку минути за да се згусне пудингот. На крајот, вмешајте го циметот. Оставете ја смесата кратко да се излади.
Во тавче или калап ставете ред бисквити, па ставете половина од смесата со јаболка и пудинг и израмнете. Повторно наредете го редот бисквити и премачкајте го остатокот од смесата. Оставете го колачот да се излади на собна температура, а потоа ставете во фрижидер. Подоцна изматете го шлагот со млеко/вода или едноставно изматете го кремот врз шлагот и намачкајте на изладениот колач. Можете дополнително да го декорирате со цимет.
Фото: Принтскрин/Instagram/natalija_mysticcakes
