ekran платформа за слободоумни
(ФОТО) Инфлуенсер од Србија му ја исполнил желбата на болниот татко и го однел на Светското првенство во Катар
Српскиот инфлуенсер Марко Маријоковиќ е многу популарен на Инстаграм, а широките народни маси ги забавува со своите видеа и авантури со семејството, особено со баба му Драгица. Покрај убавите, Марко не се двоуми да ги сподели и помалку убавите моменти од својот живот за да докаже дека животот не е Инстаграм, и дека е далеку од совршен.
Марко често ја истакнува важноста на своето семејство кое е негово безбедно засолниште и најголема поддршка, а неодамна решил сите да ги запишат на хартија своите желби кои им ги исполнил во претходниот период. Меѓутоа, во меѓувреме дознал дека татко му се бори со рак на белите дробови и покрај лошата здравствена состојба, Марко решил да му ја исполни најголемата желба и да го однесе во Катар на Мундијалот.
View this post on Instagram
-3 дена до натпреварот помеѓу Србија и Бразил: Тато едвај стои на нозе. Пристигнуваме на консултации и не информираат дека тато ќе мора да оди во болница на зрачење. Во тој момент не го прифаќам фактот дека неговата желба нема да се оствари, а уште помалку дека ја губиме оваа војна. Се осмелувам да ги замолам лекарите да го однесам на Мундијалот, дури и да го носи на раце на стадион.
Докторката се насмевнала и му кажала на татко му дека оди во Катар, а кога ќе се врати ќе и каже како било, е дел од емотивната порака што Марко ја напишал под објавата на Инстаграм.
View this post on Instagram
-И еве сме. Ние го направивме тоа. Се исполни детската желба на татко ми, но и желбата на сите нас. Не се откажувајте кога имате чувство дека нешто навистина може да функционира. Понекогаш тоа нешто е и самиот живот, истакнал тој.
Фото: Принтскрин/Instagram
