ekran платформа за слободоумни
Актерката Оливера Катарина беше ѕвезда во Југославија, а многумина ја нарекуваа миленичка на Јосип Броз Тито. Таа сега тврди дека живее во сиромаштија и сè уште не може да добие национална пензија.
Дипломирала на Академијата за театар, филм, радио и телевизија во Белград. Кариерата ја започнала глумејќи во претставата „Коштана“. Потоа решила да снима филмови. Нејзината најпозната улога беше во филмот „Пердуви“, кој освои награда на Канскиот филмски фестивал. Таа беше наградена за филмот „Гоја“ на филмски фестивали во Москва и Венеција.
Таа е позната и по талентот во музиката. Издала неколку кавер албуми со обработки на народни и ромски песни. Таа одржа 72 последователни концерти во познатата сала „Олимпија“ во Франција.
Јосип Броз Тито не криел колку е воодушевен од Оливера, а во една таа прилика раскажала каква им била првата средба.
„Го запознав Тито кога ја снимав ‘Нишка бања’. Одеднаш слушнав дека Тито е во студио, а тој го отпуштил снимателот и седнал пред камерата и ме гледаше. Беше втор пат како со сопругот Миладин Шакиќ чекав Нова Година. Ни пријде Милан Вукос и рече дека Тито сака да му пеам. Тука не можеше да се каже ‘не’“, изјавила таа.
Таа додала дека секогаш убаво реагирал кога таа му пее и дека многу му се допаѓало.
„Откако се појавив, Јованка го турна и му рече: ‘Еве ја’. Така слушнав. Можеби беше љубоморна, изгледаше како женкар. Тој беше вистински маж, тоа е сигурно”, рекла таа.
Српските медиуми објавија дека Оливера сега живее во сиромаштија и дека продава мебел за да ги плати сметките. Таа раскажалоа како неколку пати неуспешно аплицирала за национална пензија.
„Сама сум во четири ѕида, заборавена од повеќето мои пријатели и колеги. Го зачував моето достоинство и не сум депресивна. Нема да молам никого“, рекла таа.
Фото: Принтскрин/YouTube
