ekran платформа за слободоумни
Новак Ѓоковиќ несебично му помогнал на семејството Маркуљевиќ за да на малата Софија и го обезбедат најскапиот лек на светот.
Српскиот тенисер Новак Ѓоковиќ секогаш несебично им помага на сите на кои им е потребна помош, па остана запаметен и по тоа што и помогнал на девојчето Софија Маркуљевиќ да отпатува во САД на лекување за најскапиот лек на светот. Нејзиниот татко Стефан Маркуљевиќ, неколку години по големата помош, конечно успеал лично да му се заблагодари на Ноле за се што направил за неговата ќерка!
View this post on Instagram
Стефан Маркуљевиќ е дел од стручниот штаб на машката одбојкарска репрезентација на Србија, која на стартот на турнирот беше поразена од Франција, а Ноле со семејството дојде да го гледа „синото друштво“. Маркуљевиќ не можел да го пропушти тој момент и веднаш отишол кај Ноле да изрази порака за благодарност.
View this post on Instagram
„Неверојатно, на 28 јули 2020 година, преку заеднички пријател, нашиот голем @djokernole нè контактираше за да и помогнеме на Софија @zasofijinprvikorak да оди да го земе лекот што е можно поскоро. Му се заблагодаривме, се разбира, но немаше личен контакт. Честопати размислував како ќе изгледа нашата средба еден ден, бидејќи за мене лично, покрај неговите спортски успеси, тој е светец кој чекори по земјата. На 28 јули 2024 година, четири години подоцна, имав можност лично да го гушнам и заблагодарам иако нема зборови со кои може да се опише благодарноста и почитта што ја имам. БЛАГОДАРАМ за се што направи за Софија и моето семејство. Слава на Бога“, напишал Стефан покрај заедничката фотографија.
View this post on Instagram
Да потсетиме, Ѓоковиќ во 2020 година финансирал приватен лет за малата Софија што поскоро да пристигне на лекување во Соединетите Американски Држави, каде веднаш примила терапија со најскапиот лек на светот – „Золгенсмо“. Претходно и била дијагностицирана спинална мускулна атрофија тип 1, ретка и тешка болест.
Фото: Принтскрин/Instagram
