ekran платформа за слободоумни
Кога им било кажано дека ќе имаат дете со деформитет, младиот пар знаел дека сака да го задржи бебето без разлика на се, иако лекарите, па дури и пријателите ги советувале на абортус. Не им било гајле што ќе изгледа поинаку и биле подготвени да се жртвуваат со потенцијалните здравствени проблеми на нивното идно дете. Ниту еден момент не се двоумеле, го засакале своето бебе – иако се уште не било ни родено.
Тие биле подготвени да се борат со дефектот што и да е, абортусот не доаѓал во предвид. Кога се родило бебето, Сара и Крис Хелер сакале да ја споделат својата приказна со светот со надеж дека тоа ќе го промени начинот на кој луѓето ги перцепираат децата родени со одредени попречености и ќе инспирираат некого да се справи со сличен проблем.
„Треба да бидете горди на вашето бебе без разлика на околностите. Сакавме да покажеме дека е можно да се промени она што го покажа ултразвукот, а потоа и првите фотографии од мојот Броди. Мислевме дека треба да им покажеме на луѓето дека е можно да се справиме со расцепите на неговото лице“, изјавила Сара Хелер, мајка на мало момче кое е родено со расцеп на усна и непце.
View this post on Instagram
Синдромот на расцеп на усна се јавува кога одредени ткива не се формираат правилно, а можно е да се види на ултразвук по 12-та недела од бременоста.
Ова оштетување не е само од естетска природа – може да му отежне на бебето да јаде, пие, да се смее, па дури и да дише. Меѓутоа, во повеќето случаи овој проблем успешно се решава со операција, па овие деца можат да имаат сосема нормален живот.
View this post on Instagram
Сара и нејзиниот партнер Крис биле горди на своето мало момче и како и повеќето родители споделиле фотографии од него на социјалните мрежи и покрај дефектот што го имал. Постојано добивале зборови на поддршка од сите страни, но многумина биле и груби и дрски, опсипувајќи ги со прашања што не е во ред со момчето.
„Решив да ги едуцирам луѓето, наместо да ги напаѓам и да се борам со нив, и тоа сакам Броди да го прави кога ќе порасне. Сакам да ги едуцирам луѓето, да им објаснам што не знаат и да зборувам наместо децата кои сè уште го немаат својот глас“, нагласила оваа храбра мајка.
View this post on Instagram
Броди денес има 6 години и имал среќно детство, иако имал неколку операции за неутрализирање на штетата.
„Кога се роди Броди, сфативме колку луѓе го имале или го имаат истиот проблем. Луѓето од целата земја и светот не контактираа, ни рекоа дека се молат за нас и ја понудија својата помош во се што ни треба“, заклучуваат Хелерите.
View this post on Instagram
Фото: Принтскрин/Instagram
